क्रमांकः सीएमए-४२५/प्र.क्र.१४०/२०२५/जाहिरात
दिनांक : २९ एप्रिल, २०२६

विषय :- बेलिफ-लिपिक, गट-क, नगरपाल (शेरीफ), मुंबई या संवर्गाच्या भरतीप्रक्रियेसंदर्भात.

संदर्भ :-
(१) शासन पत्र विधी व न्याय विभाग क्र. याचिका-१८२५/प्र.क्र.१३८/का-९, दिनांक २८ एप्रिल, २०२६
(२) आयोगाची महाराष्ट्र गट-क सेवा संयुक्त परीक्षा योजना, दिनांक ०९ ऑक्टोबर, २०२४.
(३) महाराष्ट्र गट-क सेवा संयुक्त पूर्व परीक्षा २०२५ (जा.क्र.१२४/२०२५) संदर्भातील शुध्दीपत्रक दिनांक २५ मार्च, २०२६.

शासनाच्या विधी व न्याय विभागाकडून प्राप्त मागणीपत्रानुसार आयोगामार्फत बेलिफ-लिपिक, गट-क, नगरपाल (शेरीफ), मुंबई या संवर्गातील ०३ पदांचा समावेश संदर्भ क्र. ३ येथील शुद्धीपत्रकानुसार महाराष्ट्र गट-क सेवा संयुक्त पूर्व परीक्षा – २०२५ च्या जाहिरातीमध्ये (जा.क्र.१२४/२०२५) करण्यात आला आहे.

२. तथापि, संदर्भ क्र.१ येथील शासन पत्रान्वये प्रस्तुत संवर्गाच्या पदभरती संदर्भात मा. उच्च न्यायालय, मुंबई येथे याचिका दाखल असून सदर याचिकेच्या सुनावणी दरम्यान दिलेल्या निर्देशानुसार बेलिफ-लिपिक या संवर्गाची स्वतंत्र भरती प्रक्रिया राबविण्याची तसेच सदर संवर्गाच्या ०३ पदांचे मागणीपत्र रद्द समजण्याबाबत शासनाने आयोगास विनंती केली आहे.

३. उपरोक्त शासन पत्राच्या अनुषंगाने महाराष्ट्र गट-क सेवा संयुक्त पूर्व परीक्षा २०२५ मधील बेलिफ-लिपिक, गट-क, नगरपाल (शेरीफ), मुंबई या संवर्गाची ०३ पदे रद्द करण्यात येत आहेत. प्रस्तुत संवर्गाची स्वतंत्र भरती करण्याकरीता महाराष्ट्र गट-क सेवा संयुक्त परीक्षा योजनेमधून सदर संवर्ग वगळण्याबाबत आवश्यक ती सुधारणा करून या संवर्गाच्या स्वतंत्र भरती प्रक्रियेसंदर्भात प्रसिध्दिपत्रक लवकरच आयोगाच्या संकेतस्थळावर प्रसिद्ध करण्यात येईल. याची संबंधित उमेदवारांनी नोंद घ्यावी.