राज्य शासनाच्या सेवेतील विविध गट-क संवर्गासाठी आयोगामार्फत महाराष्ट्र गट-क सेवा संयुक्त पूर्व परीक्षा – २०२५ करीता जाहिरात क्रमांक १२४/२०२५ दिनांक ०६ ऑक्टोबर, २०२५ रोजी प्रसिद्ध करण्यात आली असून पूर्व परीक्षा दिनांक ११ जानेवारी, २०२६ रोजी घेण्यात आली होती. जाहिरात प्रसिद्ध झाल्यानंतर शासनाकडून अतिरिक्त/सुधारित मागणीपत्रांनुसार प्राप्त पदांचा/संवर्गाचा प्रस्तुत परीक्षेत समावेश करण्यासाठी दिनांक २५ मार्च, २०२६, दिनांक २९ एप्रिल, २०२६ व दिनांक ३० एप्रिल, २०२६ रोजी शुद्धिपत्रके प्रसिद्ध करण्यात आली आहेत. या परीक्षेच्या माध्यमातून एकूण १८८४ पदांची भरती केली जाणार आहे. यामध्ये प्रामुख्याने उद्योग निरीक्षक (०९ पदे), कर सहायक (७३ पदे), तांत्रिक सहायक (०४ पदे), दुय्यम निरीक्षक-राज्य उत्पादन शुल्क (१२५ पदे), आणि लिपिक-टंकलेखक (१६७३ पदे) या संवर्गांचा समावेश आहे. सदर संयुक्त पूर्व परीक्षेचा निकाल दिनांक ०४ मे, २०२६ रोजी जाहीर करण्यात आला असून निकालाआधारे मुख्य परीक्षेच्या प्रवेशासाठी पात्र ठरलेल्या उमेदवारांकरीता मुख्य परीक्षा रविवार, दिनांक १२ जुलै, २०२६ रोजी अमरावती, छत्रपती संभाजी नगर, नागपूर, नाशिक, नवी मुंबई व पुणे या जिल्हा केंद्रांवर आयोजित करण्यात येईल.